This post is also available in: English Thai Indonesian Myanmar

Participants discuss key digital rights concerns during the solidarity event in Bangkok last January 14, 2023

សល់រយៈពេលមិនដល់បួនខែទៀតទេ EngageMedia កំពុងតែបង្កើនការត្រៀមខ្លួនសម្រាប់ព្រឹត្តិការណ៍ដ៏ធំបំផុតរបស់យើងក្នុងឆ្នាំ 2023 នេះគឺ៖ មហោស្រពសិទ្ធិឌីជីថលនៅអាស៊ីប៉ាស៊ីហ្វិក! ដោយធ្វើការរួមគ្នាជាមួយនឹងដៃគូនិងអ្នកសហការរួមរបស់យើង ក្រុមការងារកំពុងតែខិតខំធ្វើការដើម្បីរចនាឡើងនូវកម្មវិធីដែលមានរយៈពេលមួយសប្តាហ៍ពេញ ដែលពោរពេញទៅដោយព្រឹត្តិការណ៍ និងសកម្មភាពនានាដើម្បីស្វែងយល់ឱ្យកាន់តែស៊ីជម្រៅទៅលើបញ្ហាសិទ្ធិមនុស្សសំខាន់ៗក្នុងប្រព័ន្ធឌីជីថលនាពេលបច្ចុប្បន្ន និងពង្រឹងការភ្ជាប់ទំនាក់ទំនងក្នុងចំណោមសម្ព័ន្ធមិត្តដ៏ទូលំទូលាយក្នុងចលនាសិទ្ធិឌីជីថលនេះ។

ខណៈដែលយើងកំពុងតែខិតទៅជិតមហោស្រពនេះ យើងចែករំលែកដំណើររបស់យើងឆ្ពោះទៅកាន់មហោស្រពនេះ និងអ្វីដែលអ្នកអាចរំពឹងថាមាននៅក្នុងខែឧសភា ឆ្នាំ 2023 នេះ។

នៅឆ្នាំ 2022 EngageMedia បានស្រមៃថានឹងរៀបចំព្រឹត្តិការណ៍សិទ្ធិឌីជីថលជាបន្តបន្ទាប់ បន្ទាប់ពីការប្រជុំគ្នាតាមអ៊ីនធឺណិតជាងពីរឆ្នាំ និងឱកាសកសាងបណ្តាញសង្គមដ៏មានកម្រិតមក។ វាជាពេលវេលាសមស្របមួយដើម្បីពិភាក្សាអំពីផលប៉ះពាល់របស់ការរាតត្បាតជំងឺទៅលើសិទ្ធិឌីជីថលនៅក្នុងតំបន់ និងដើម្បីនាំយកសំឡេងចម្រុះ និងសម្ព័ន្ធមិត្តទៅកាន់សហគមន៍សិទ្ធិឌីជីថល។

ចំណុចសំខាន់នៃព្រឹត្តិការណ៍ទាំងនេះគឺការសង្កត់ធ្ងន់លើការបង្កើតរួមគ្នា និងការទទួលយកវិធីសាស្រ្តបច្ចេកវិទ្យាលំហបើកចំហ។ របៀបវារៈ និងការរចនានៃវេទិកាប្រទេសទាំងបួននៅក្នុងប្រទេសថៃប្រទេសឥណ្ឌូនេស៊ីប្រទេសកម្ពុជា និងប្រទេសហ្វីលីពីនត្រូវបានដឹកនាំដោយអ្នកចូលរួមនិងអ្នកធ្វើការផ្លាស់ប្តូរដែលយល់ដឹងច្បាស់បំផុតអំពីបរិបទនិងបញ្ហាប្រឈមរបស់ប្រទេសពួកគេ។ ពីវេទិកាទាំងនេះ យើងបានពង្រីកការសន្ទនាទៅកាន់សហគមន៍សិទ្ធិឌីជីថលកាន់តែទូលំទូលាយក្នុងវេទិកាសិទ្ធិឌីជីថលអាស៊ីប៉ាស៊ីហ្វិកដែលមានរយៈពេលបីថ្ងៃ ហើយជាកន្លែងដែលដៃគូ និងដៃគូសហការរបស់យើងបានរៀបចំកម្មវិធីតូចៗបន្ថែមទៀត និងដឹកនាំការពិភាក្សានៅក្នុងព្រឹត្តិការណ៍សាមគ្គីក្នុងពេលតែមួយដោយចូលរួមផ្ទាល់។

តាមរយៈព្រឹត្តិការណ៍ទាំងនេះ យើងនៅ EngageMedia បានរៀនច្រើនពីមិត្តរួមវិជ្ជាជីវៈរបស់យើងអំពីប្រធានបទ បញ្ហា និងកង្វល់រួមដែលយើងប្រឈមមុខក្នុងការងាររបស់យើង បញ្ហាលំបាកស្មុគ្រស្មាញដែលយើងត្រូវបន្តពិភាក្សាក្នុងនាមជាសហគមន៍ និងរបៀបដែលយើងអាចសហការគ្នាដើម្បីដោះស្រាយបញ្ហាប្រឈមទាំងនេះ។

បញ្ហាប្រឈមរួម និងការសហការកសាងការយោគយល់

លក្ខណៈរួមនៃបញ្ហាប្រឈមសិទ្ធិឌីជីថលនៅអាស៊ីប៉ាស៊ីហ្វិក និងសារៈសំខាន់នៃកិច្ចសហប្រតិបត្តិការគឺជាប្រធានបទទូទៅនៅទូទាំងវេទិកាប្រទេសទាំងបួន និងការប្រជុំថ្នាក់តំបន់។ អ្នកចូលរួមបានចង្អុលបង្ហាញម្តងហើយម្តងទៀតអំពីគ្រោះថ្នាក់ទូទៅ ដែលអ្នកតស៊ូមតិអំពីសិទ្ធិឌីជីថលកំពុងប្រឈមមុខ៖ ការឃ្លាំមើលពីរដ្ឋ និងច្បាប់រឹតបន្តឹងសេរីភាពនៃការបញ្ចេញមតិនៅក្នុងប្រទេសថៃ និងប្រទេសហ្វីលីពីន ការត្រួតពិនិត្យការផ្សព្វផ្សាយនៅក្នុងប្រទេសម៉ាឡេស៊ី និងអំពើហិង្សាផ្អែកលើយេនឌ័រ និងពាក្យសម្ដីស្អប់ខ្ពើមនៅក្នុងប្រទេសបង់ក្លាដែស និងប្រទេសឥណ្ឌូនេស៊ីជាដើម។

នៅក្នុងវេទិកាថ្នាក់តំបន់ វាគ្មិនសំខាន់ៗក៏បានកត់សម្គាល់ពីបញ្ហាមូលដ្ឋានផ្សេងទៀតដែលរួមបញ្ចូលបញ្ហាប្រឈមរបស់សិទ្ធិឌីជីថលទាំងនេះផងដែរ៖ កង្វះលទ្ធភាពប្រើប្រាស់បច្ចេកវិទ្យាសំខាន់ៗ អតុល្យភាពអំណាចដែលមានទំនោរទៅរកក្រុមហ៊ុនបច្ចេកវិទ្យាធំៗ និងបទប្បញ្ញត្តិគ្រប់គ្រងវិស័យបច្ចេកវិទ្យានៅខ្សោយ និងតួអង្គដែលមិនមែនជារដ្ឋ។

ដោយសារលក្ខណៈបញ្ហាប្រឈមទាំងនេះ ការកសាងសាមគ្គីភាព និងការរៀនសូត្រពីគ្នាទៅវិញទៅមកគឺជារឿងសំខាន់ណាស់។ នេះមិនគ្រាន់តែជាកិច្ចសហការគ្នារវាងស្ថាប័ននានាក្នុងប្រទេសផ្សេងៗប៉ុណ្ណោះទេ ប៉ុន្តែថែមទាំងពង្រីកសិទ្ធិឌីជីថល ដើម្បីនាំយកទស្សនៈពីវិស័យផ្សេងៗទៀត ដូចជាច្បាប់ និងសារព័ត៌មានជាដើម។នៅក្នុងវេទិកាតំបន់នាយកប្រតិបត្តិ EngageMedia Phet Sayo បានសង្កត់ធ្ងន់លើលក្ខណៈចម្រុះវិស័យនៃការគំរាមកំហែងដែលយើងប្រឈមមុខ ហើយបាននិយាយថា ការកសាងការយល់ដឹងគួរតែជាការខិតខំប្រឹងប្រែងរួមគ្នា។ ស្រដៀងគ្នានេះដែរ Helani Galpaya មកពី LIRNEasia បានសង្កត់ធ្ងន់លើតម្រូវការសម្រាប់សកម្មជនដើម្បីធ្វើការងារលើសពីសិទ្ធិឌីជីថលធម្មតា ដូច្នេះពួកគេអាចជាផ្នែកមួយនៃការសន្ទនាដែលកំណត់បទដ្ឋាន និងជាផ្នែកនៃការរៀបចំគោលនយោបាយ។

យោងតាមអ្នកចូលរួមមកពីព្រឹត្តិការណ៍សាមគ្គីភាពទាំងប្រាំ យើងក៏ត្រូវការឆ្លុះបញ្ចាំងការរិះគន់បែបស្ថាបនានៅក្នុងចលនាផងដែរ។ ដើម្បីពង្រឹងការតស៊ូមតិអំពីសិទ្ធិឌីជីថល អង្គការនានាគួរតែរៀនពីគ្នាទៅវិញទៅមក ចូលរួមយ៉ាងពេញលេញជាមួយនឹងទស្សនវិស័យក្នុងមូលដ្ឋាន និងរៀនពីភាពជោគជ័យនៃចលនាការពារសិទ្ធិកន្លងមក។

Screenshot from one of the breakout sessions during the three-day Asia-Pacific Digital Rights Forum

ការសន្ទនា និងការចរចាបន្តបន្ទាប់

ដោយសារការរាតត្បាតជំងឺបានធ្វើឱ្យមានការរៀបចំព្រឹត្តិការណ៍បែបចម្រុះកាន់តែច្រើន EngageMedia បានជ្រើសរើសបញ្ចូលគ្នានូវព្រឹត្តិការណ៍ដែលចូលរួមដោយផ្ទាល់ និងតាមអ៊ីនធឺណិតក្នុងអំឡុងពេលវេទិកាថ្នាក់ប្រទេស និងការប្រជុំថ្នាក់តំបន់ ដោយប្រើប្រាស់បទពិសោធន៍ជាង 15 ឆ្នាំនៃការធ្វើការងារពីចម្ងាយ នៅទូទាំងតំបន់អាស៊ីប៉ាស៊ីហ្វិកក្នុងក្រុមនៅក្នុងទីតាំងដាច់ដោយឡែកពីគ្នា។&

ការរៀបចំផែនការ និងរៀបចំវគ្គបំបែកតូចៗតាមអ៊ីនធឺណិត និងការកត់សម្គាល់សំខាន់ៗពីវាគ្មិននៅក្នុងការពិភាក្សាលើការប្រើប្រាស់បច្ចេកវិទ្យាបើកចំហ និងសុវត្ថិភាព (OST) – ផ្នែកមួយនៃបញ្ហាស្នូលរបស់យើង។ យើងមានការសន្ទនាយ៉ាងទូលំទូលាយអំពីវេទិកាអ្វីដែលត្រូវប្រើសម្រាប់ព្រឹត្តិការណ៍តាមអ៊ីនធឺណិតជាក្រុម។ នៅទីបញ្ចប់ យើងបានសម្រេចចិត្តប្រើប្រាស់ Zoom ដោយសារតែដែនកំណត់ជាមួយនឹងជម្រើសប្រភពបើកចំហផ្សេងទៀត។ នេះនឹងបន្តជាផ្នែកមួយនៃការចរចាសម្រាប់ពួកយើង នៅពេលដែលយើងស្វែងរកវិធីបន្ថែមទៀតដើម្បីបន្តឆ្ពោះទៅរកការប្រើប្រាស់ OST។ ក្នុងអំឡុងពេលនៃវេទិកា យើងបានរៀបចំក្រុមផ្ដោតការពិភាក្សា ដែលជាផ្នែកនៃការស្រាវជ្រាវដែលកំពុងបន្តរបស់យើងការទទួលយកបច្ចេកវិទ្យាបើកចំហ និងប្រកបដោយសុវត្ថិភាពក្នុងចំណោមអ្នកការពារសិទ្ធិមនុស្ស។ យើងរំពឹងថានឹងមានការសន្ទនាទាំងនេះបន្ថែមទៀតនៅក្នុងមហោស្រព ហើយយើងទន្ទឹងរង់ចាំយោបល់ដ៏ចម្រុះពីអ្នកចូលរួម រួមទាំងទស្សនៈ និងការយល់ដឹងពីសហគមន៍ដែលមានហានិភ័យ និងតំបន់ដែលខ្វះខាត។

ចូលរួមក្នុងការសន្ទនា

At the Asia-Pacific Digital Rights Forum, participants from the five parallel events meet virtually to share learnings with the regional group

ពង្រឹងភាពជាដៃគូ និងកិច្ចសហការ

ដូចដែលបានលើកឡើងនៅក្នុងវេទិកា ការសហការគ្នាគឺមានសារៈសំខាន់ ហើយនេះពង្រីកការងារចាំបាច់សម្រាប់ការរៀបចំព្រឹត្តិការណ៍សិទ្ធិឌីជីថលទាំងនេះ និងមហោស្រពនាពេលខាងមុខ។ EngageMedia ពិតជាមានអភ័យឯកសិទ្ធក្នុងការកសាងភាពជាដៃគូរឹងមាំជាមួយអង្គការដែលបានបង្កើតឡើងនៅជុំវិញតំបន់។ ព្រឹត្តិការណ៍សាមគ្គីភាព និងវគ្គបំបែកតូចៗបន្ថែមត្រូវបានធ្វើឡើងដោយមានការចូលរួមយ៉ាងសកម្មរបស់ពួកគេក្នុងការបង្កើតរបៀបវារៈរួម៖មហាវិទ្យាល័យវិទ្យាសាស្ត្រនយោបាយនៃសាកលវិទ្យាល័យជូឡាឡុងកនវិទ្យាស្ថានបច្ចេកវិទ្យាសង្គមគំនិតផ្តួចផ្តើមសម្រាប់ការសន្ទនា និងការពង្រឹងអំណាចតាមរយៈសេវាកម្មផ្លូវច្បាប់ផ្សេងទៀតមជ្ឈមណ្ឌលកម្ពុជាដើម្បីប្រព័ន្ធផ្សព្វផ្សាយឯករាជ្យមជ្ឈមណ្ឌលអាស៊ីសិទ្ធិឌីជីថលបណ្តាញសេរីភាពនៃការបញ្ចេញមតិនៅអាស៊ីអាគ្នេយ៍សាលាច្បាប់ឥណ្ឌូនេស៊ី Jentera Jumpstart@65Out of the Box Media Literacy Initiative និងអង្គការទាំងអស់ដែលបានចែករំលែកចំណេះដឹង និងជំនាញរបស់ពួកគេនៅក្នុងវគ្គបំបែកតូចៗបន្ថែមទៀត។ យើងក៏មានឯកសិទ្ធិដែលការងាររបស់យើងមានការគាំទ្រពីអ្នកផ្តល់មូលនិធិរបស់យើងSidaARTICLE19, និងសមាគមAssociation for Progressive Communications។

នៅពេលដែលយើងបន្តការរៀបចំមហោស្រពនេះ ភាពជាដៃគូ និងសាមគ្គីភាពនៅតែជាចំណុចស្នូល។ យើងសូមអញ្ជើញអង្គការ និងសហប្រតិបត្តិករដែលចាប់អារម្មណ៍មកសហការបង្កើតរបៀបវារៈជាមួយយើងដោយរៀបចំវគ្គផ្សេងៗ – មិនថាវាជាការពិភាក្សាជាក្រុម បទបង្ហាញខ្លីៗ ការជួបជុំអ្នកសរសេរកម្មវិធីកុំព្យូរទ័រ ឬការកម្សាន្ត និងសកម្មភាពថែទាំខ្លួនឯងនោះទេ ដើម្បីអបអរសាទរសហគមន៍សិទ្ធិឌីជីថលទាំងអស់គ្នា។ មហោស្រពនេះនឹងក្លាយជាទីតាំងសម្រាប់អ្នកផ្លាស់ប្តូរធ្វើការទំនាក់ទំនង ស្វែងយល់បន្ថែមអំពីគ្នាទៅវិញទៅមក និងស្វែងរកវិធីដើម្បីធ្វើការជាមួយគ្នា។ យើងសង្ឃឹមថានឹងបន្តការសន្ទនាពីវេទិកា និងជួបអ្នកធ្លាប់ស្គាល់នៅទីក្រុងឈៀងម៉ៃ!

បញ្ជូនសំណើវគ្គសម្រាប់មហោស្រព