အာရှ – ပစိဖိတ် ဒစ်ဂျစ်တယ်လူ့အခွင့်အရေးဖိုရမ်တွင် ပါဝင်ရန် ဖိတ်ခေါ် ခြင်း (စာရင်းပေးသွင်းပါရန်)

This post is also available in: English Thai Indonesian Khmer

EngageMedia မှနေပြီး လာမည့် ၂၀၂၃ ခုနှစ်၊ ဇန်နဝါရီ ၁၂ ရက်နေ့မှ ၁၄ ရက်နေ့အထိ စကားဝိုင်းများ၊ ဆုံညီ ဆွေးနွေးခန်းများ၊ပြောင်းလဲရေးလှုပ်ရှားသူများနှင့် စကားပြောပွဲများပါဝင်မယ့် အာရှ-ပစိဖိတ် ဒစ်ဂျစ်တယ် လူ့အခွင့်အရေးဖိုရမ်ကို ကျင်းပပြုလုပ်မှာဖြစ်လို့ ဒီပွဲနဲ့အတူ ၂၀၂၃ ခုနှစ်ကို စတင်လိုက်ဖို့ ဒစ်ဂျစ်တယ် လူ့အခွင့်အရေးလှုပ်ရှားသူများအား ဖိတ်ခေါ်အပ်ပါတယ်။

သည် ၃ ရက်တာ အွန်လိုင်း/လူချင်းစုံညီပွဲဟာ အာရှ-ပစိဖိတ်ဒေသအတွင်း ယနေ့ကြုံတွေ့နေရတဲ့ ဒစ်ဂျစ်တယ်လူ့အခွင့်အရေးပြဿနာများအပေါ် အဖြေရှာနိုင်ဖို့အတွက် ပြောင်းလဲရေးလှုပ်ရှားသူများအချင်းချင်း ဆွေးနွေးလုပ်ကိုင်နိုင်ဖို့ အွန်လိုင်း/လူချင်းဆုံမှတ်တစ်ခု ဖန်တီးပေးနိုင်ရန် ရည်ရွယ်ထားတာ ဖြစ်ပါတယ်။ သည်ဒေသတွင်းဖိုရမ်ရဲ့ ဒစ်ဂျစ်တယ်လူ့အခွင့်အရေးအာဘော်တွေ၊ လက်တွဲလုပ်ဆောင်မှုတွေ ဟာ လာမယ့် ၂၀၂၃ မေလ ထိုင်းနိုင်ငံ၊ ချင်းမိုင်မြို့မှာပြုလုပ်ကျင်းပမယ့် အာရှ-ပစိဖိတ် ဒစ်ဂျစ်တယ် လူ့အခွင့်အရေးပွဲတော်ကို ပုံဖော်ရာမှာ အခရာကျမှာဖြစ်ပါတယ်။

ဇန်နဝါရီ ၁၂ နှင့် ၁၃ ရက်။ အွန်လိုင်းဒေသတွင်းအစည်းအဝေး

ဖိုရမ်ရဲ့ ပထမ ၂ ရက်ကို အွန်လိုင်းမှတဆင့်ကျင်းပသွားမှာဖြစ်ပြီး အာရှ-ပစိဖိတ်ဒေသတလွှားက ပြောင်းလဲရေး လှုပ်ရှားသူများနဲ့ သက်ဆိုင်တဲ့ ဒစ်ဂျစ်တယ်လူ့အခွင့်အရေးပြဿနာများ၊ အာဘော်များအပြင် ဒေသတွင်းစည်းလုံး ညီညွတ်မှု တည်ဆောက်ရေးဆိုင်ရာ ဆွေးနွေးမှုများကို အသားပေးသွားမှာဖြစ်ပါတယ်။ ပါဝင်သူများအနေနှင့်လည်း အရေးပေါ်ဒစ်ဂျစ်တယ်လူ့အခွင့်အရေးပြဿနာများအကြောင်း အသားပေးတဲ့ စုံညီဆွေးနွေးခန်းများမှာ ကိုယ့်ရဲ့အမြင်တွေကို တက်တက်ကြွကြွ မျှဝေနိုင်မှာပါ။

ပထမနေ့ စုံညီဆွေးနွေးခန်းခေါင်းစဥ်များ

အာရှ-ပစိဖိတ်ဒေသတွင်း အစွန်းရောက်ဝါဒနှင့် အမုန်းစကားများ
ဂျန်ဒါတရားမျှတမှုရှင်းတမ်း
တရားမျှတမှုရာသီဥတုနှင့် အင်တာနက် (အာရှ-ပစိဖိတ်ရပ်ဝန်း)
ဒစ်ဂျစ်တယ်အာဏာရှင်စနစ်နှင့် တောင်ကမ္ဘာခြမ်းအပေါ် ၎င်း၏ အကျိုးသက်ရောက်မှုများ
ဒေတာတရားဥပဒေကို နားလည်ခြင်း
အာရှ-ပစိဖိတ်ဒေသတွင်း အွန်လိုင်းလုပ်ကြံသတင်းများ

ဒုတိယနေ့ စုံညီဆွေးနွေးခန်းခေါင်းစဥ်များ

အွန်လိုင်းမီဒီယာလွတ်လပ်ခွင့်နှင့် အာရှတွင်းဆင်ဆာစနစ်
နည်းပညာထိပ်သီးများကို စိန်ခေါ်ခြင်း
ဒစ်ဂျစ်တယ်လူ့အခွင့်အရေးအပေါ် လူငယ်များ၏ပါဝင်ပတ်သက်မှု
ဒစ်ဂျစ်တယ်လုံခြုံရေးမိတ်ဆက်
ပွင့်လင်းမြင်သာလုံခြုံသောနည်းပညာအကြောင်း စုံညီဆွေးနွေးခြင်း

ဇန်နဝါရီ ၁၄ ရက်။ လူချင်းစုံညီတွေ့ဆုံပွဲများ

ဖိုရမ်တတိယနေ့မှာတော့ နေရာ ၅ နေရာမှာ လူချင်းဆုံညီတွေ့ဆုံပွဲများပါဝင်မှာဖြစ်ပါတယ်။

၁။ဘန်ကောက်မြို့တော်၊ ထိုင်းနိုင်ငံ

၂။ဒါကာမြို့တော်၊ ဘင်္ဂလားဒေ့ရှ်နိုင်ငံ

၃။ဂျကာတာမြို့တော်၊ အင်ဒိုနီးရှားနိုင်ငံ

၄။ကွာလာလမ်ပူမြို့တော်၊ မလေးရှားနိုင်ငံ

၅။မနီလာမြို့တော်၊ ဖိလစ်ပိုင်နိုင်ငံ

ပါဝင်တက်ရောက်သူများအနေနဲ့ အခြားပြောင်းလဲရေးလှုပ်ရှားသူများနှင့် တွေ့ဆုံခွင့်ရမှာဖြစ်ပြီး သက်ဆိုင်ရာ နိုင်ငံအတွင်းက ဒစ်ဂျစ်တယ်လူ့အခွင့်အရေးပြဿနာများအကြောင်း ထဲထဲဝင်ဝင်အဖြေရှာနိုင်မှာဖြစ်ပါတယ်။ ပွဲပြီးဆုံးသွားတဲ့အခါမှာလည်း တစ်မြို့နဲ့အခြားတစ်မြို့က ပွဲတက်ရောက်သူအချင်းချင်း အွန်လိုင်းကတဆင့် သူတို့ရဲ့အကြောင်းအရာတွေ၊ သင်ခန်းစာတွေနဲ့ လုပ်ကိုင်မှုတွေကို ဖြန့်ဝေနိုင်မှာပါ။