အာရှ-ပစိဖိတ်ဒစ်ဂျစ်တယ်လူ့အခွင့်အရေးဖိုရမ်မှာ EngageMedia နှင့် ပူးပေါင်းအဖွဲ့အစည်းများ ပူးတွဲ ကျင်းပမည့် လူချင်းစုံညီ တစ်ပြေးညီပွဲများ

This post is also available in: English Thai Indonesian Khmer

ဒေသတွင်းအတူလက်တွဲလုပ်ကိုင်ရေးအာဘော်ကို အခြေတည်၍ ပူးပေါင်းအဖွဲ့အစည်းများနှင့်လက်တွဲကာ EngageMedia မှ ၂၀၂၃ ခုနှစ် ဇန်နဝါရီ ၁၄ ရက်မှာ လူချင်းစုံညီ တစ်ပြေးညီပွဲများပြုလုပ်ပြီး ၃ ရက်တာ အာရှ-ပစိဖိတ်ဒစ်ဂျစ်တယ်လူ့အခွင့်အရေးဖိုရမ်ကို ပိတ်သိမ်းသွားမှာဖြစ်ပါတယ်။

တတိယနေ့မှာတော့ ရှေ့ရက်များမှ အွန်လိုင်းဆွေးနွေးပွဲအာဘော်များကို အသေးစိတ်ရှင်းပြပြီး ပါဝင်သူများ အချင်းချင်း အမြင်များဖလှယ်စေနိုင်စေရန် လူချင်းတွေ့ဆုံချိတ်ဆက်နိုင်ဖို့အတွက် သီးသန့်ဆုံမှတ်တစ်ခု ဖန်တီးပေးသွားမှာဖြစ်ပါတယ်။

ပူးပေါင်းဖန်တီးရေးစိတ်ဓာတ်အရ EngageMedia ဟာ တစ်ပြေးညီပွဲများကို ပြုလုပ်ပေးနိုင်ဖို့အောက်ပါ အဖွဲ့အစည်းများနှင့် ပူးပေါင်းသွားမှာဖြစ်ပါတယ်။

ထိုင်းနိုင်ငံ၊ ဘန်ကောက်မြို့တော်။

Asia Centreဟာ အထောက်အထားအခြေပြုသုတသနများ၊ စုရုံးစည်းဝေးပွဲများပြုလုပ်နေပြီး လူ့အခွင့်အရေးပြဿနာများကို ကူညီတိုက်ဖျက်ပေးနေသည့် သုတေသနသိပ္ပွံတစ်ခုဖြစ်ပါတယ်။ သည်အဖွဲ့အစည်းဟာ EngageMedia နှင့်အတူ ထိုင်းနိုင်ငံတွင်း ကွန်ပြူတာပြစ်မှုဥပဒေနှင့် လွတ်လပ်စွာထုတ်ဖော်ပြောဆိုခွင့်အကြောင်း အစီရင်ခံစာ အပါအဝင် သုတေသနလုပ်ငန်းများ အတူလက်တွဲလုပ်ကိုင်ဖူးပါတယ်။

ဘင်္ဂလားဒေ့ရှ်နိုင်ငံ၊ ဒါကာမြို့တော်

Digitally Rightအဖွဲ့ဟာ အရှိန်အဟုန်နှင့်ပြောင်းလဲနေသော သတင်းအချက်အလက်ဂေဟစနစ် နှင့်အတူ လိုက်လျောညီထွေစွာလုပ်ဆောင်ဖို့ ပညာရပ်များနှင့် ဖြေရှင်းနည်းများပိုင်ဆိုင်ထားတဲ့ လွတ်လပ်သောမီဒီယာအဖွဲ့အစည်းများ၊ အရပ်ဖက်အဖွဲ့အစည်းများနှင့် ပုဂ္ဂလိကအဖွဲ့အစည်းများကို ထောက်ပံ့အားပေးနေပါတယ်။

အင်ဒိုနီးရှားနိုင်ငံ၊ ဂျကာတာမြို့တော်။

The Southeast Asia Freedom of Expression Network (SAFEnet) ဟာ အရှေ့တောင်အာရှနိုင်ငံများအတွင်း ဒစ်ဂျစ်တယ်လူ့အခွင့်အရေးအကြောင်း ပိုမိုသိရှိလာစေဖို့ စိစစ်ခြင်း၊ ထောက်ခံအားပေးခြင်း၊ အင်ဒိုနီးရှားနှင့် အရှေ့တောင်အာရှမှ စွန့်ပယ်ခံလူ့အဖွဲ့အစည်း များအတွက် တစ်ကိုယ်ရည်လုံခြုံရေးသတင်တန်းများပေးအပ်ခြင်းတို့ကို လုပ်ဆောင်နေပါတယ်။
Indonesia Jentera School of Lawဟာ အရည်အချင်းပြည့်ဝသော ဥပဒေပညာရှင်များမွေးထုတ် ပေးပြီး ကောင်းမွန်သောအပြောင်းအလဲနှင့် ခိုင်မာသော ဥပဒေအပြောင်းအလဲများဖြစ်ပေါ်အောင် လုပ်ဆောင်နိုင်ဖို့အတွက် အင်ဒိုနီးရှားနိုင်ငံတွင်း အရည်အသွေးမှီဥပဒေပညာရပ်ကို ပေးစွမ်းနိုင်ဖို့ ရည်ရွယ်ထားတာဖြစ်ပါတယ်။

မလေးရှားနိုင်ငံ၊ ကွာလာလမ်ပူမြို့တော်။

Jumpstart@65 ဟာ ပူးတွဲအဖွဲ့အစည်းများမှတဆင့် လူ့အဖွဲ့အစည်းဆိုင်ရာအစီအစဥ်များချမှတ် လုပ်ဆောင်ပေးနေသည့် ရပ်ဝန်းတစ်ခုဖြစ်ပါတယ်။ သည်စင်တာကို Hong Leong ဖောင်ဒေးရှင်းမှ ဖွင့်လှစ်ခဲ့တာဖြစ်ပြီး မလေးရှားနိုင်ငံတွင်း ပညာရေးတိုးတက်ရေးနှင့် လူမှုအဖွဲ့အစည်းဖွံ့ဖြိုးရေး အတွက် ရည်ရွယ်ထားတာဖြစ်ပါတယ်။

ဖိလစ်ပိုင်နိုင်ငံ၊ မနီလာမြို့တော်။

Out of the Box Media Literacy Initiativeဟာ ဖိလစ်ပိုင်နိုင်ငံတွင်း မီဒီယာကျွမ်းကျင်လုပ်ထုံးများ ကျယ်ပြန့်လာစေရန် ကမ်ပိန်းများ၊ လုပ်ငန်းဆွေးနွေးပွဲများနှင့် အသိပညာပေးရင်းမြစ်များမှတဆင့် လုပ်ဆောင်နေတဲ့အဖွဲ့အစည်းဖြစ်ပါတယ်။

Join the Asia-Pacific Digital Rights Forum

To sign up for the forum, register for an account on Forum.EngageMedia.org.

Create your account by filling out the form here.
Complete your profile information.

Select from our various sessions on Days 1 to 3 and save your sessions.

This work is licensed under a Creative Commons Attribution-NonCommercial-NoDerivatives 4.0 International License.

Join the Asia-Pacific Digital Rights Forum

Subscribe to the EngageMedia mailing list

Two emails a month of all our best posts. View past newsletters.